Kryetari i Grupit Parlamentar të Partisë Socialiste Taulant Balla ka publikuar reagimin e sotëm të Komisionerit të Zgjerimit të Bashkimit Europian, Olivér Várhelyi gjatë mbledhjes së sotme të Komitetit te Punëve të Jashtme të Parlamentit Europian lidhur me situatën e krijuar në Shqipëri pas shembjes së Teatrit kombëtar.
Komisioneri, Varhelyi tha gjatë fjalës së tij se ka zhvilluar një bisedë telefonike me Kryeminstrin e Shqipërisë, Edi Rama dhe diskutuam për nevojën për t’u koordinuar dhe ato skena është mirë që të evitohen.
Sipas komisionerit Várhelyi, është kompetencë e secilit shtet për të diskutuar në lidhje me teatrin e tij kombëtar pa pasur nevojë që ne t’i tregojme atyre se çfarë teatri kombëtar duhet të ndërtojnë.
“Kuptoj që është kompetencë e secilit shtet për të diskutuar në lidhje me teatrin e tij kombëtar pa patur nevojë që ne t’i tregojmë atyre se çfarë teatri kombëtar duhet të ndërtojnë. E rëndësishme është që të mos bëhet në mënyrë konfliktuale. Dhe përfshirja e shoqërisë civile është siguruar në këtë proces dhe për këtë të fundit ishim dakord me Kryeministrin”, citon Balla komisionerin Varhelyi.
