Deputetë e Partisë Demokratike kanë takuar sot banorët e fshatit Dhërmi të Vlorës.
Në fokus të udhëtimit të Arben Ristanit dhe Aldo Bumcit drejt Dhërmiut ka qenë bashkëbisedimi me banorët e fshatit në lidhje me kishën e shumëpërfolur.
“Jemi kthyer në kohën e diktaturës së Enver Hoxhës kur dhunoheshin besimtarët dhe prisheshin kishat” – ka thënë deputeti demokrat Ristan, njëkohësisht Sekretar i Përgjithshëm i PD.
Deputetët e kanë cilësuar ngjarjen e Dhërmiut si ‘strategji të dyshes Kokëdhima-Rama për të larguar vëmendjen nga aktualiteti’. Nga ana tjetër, Ristani theksoi se është shembur një vend i shenjtë siç është kisha e Shën Thanasit.
