Një urë e lartë është shembur në Genova. Bëhet fjalë për urën Morandi 122 metra të gjatë dhe 70 metra të lartë e ndërtuar mes viteve 1953-1955. Forcave të Ndërhyrjes së Shpejtë që ndodhen në këto momente në vendngjarje bëjnë me dije se poshtë rrënojave të urës së shembur kanë gjetur automjete të shkatërruara me njerëz të vdekur brenda. Poshtë urës ka qendra tregtare dhe depo industriale dhe ndërtesa të tjera. Zjarrfikësit kanë nxjerrë dy njerëz të gjallë nga rrënojat, ndërkohë që po punojnë për të gjetur të lënduarit e tjerë, që dyshohen të jenë ende brenda makinave të zëna poshtë nga ura. Nderkaq flitet dhe per zera qe kerkojne ndihme.
Ndërkohë për ngjarjen ka reaguar edhe ministri i Brendshëm, Mateo Salvini, i cili është shprehur se operacioni i shpëtimit po ndiqet hap pas hapi, duke mos harruar të falenderojë forcat zjarrëvikëse, të cilët i ka quajtur heronj të vërtetë.
ma.me
