Sherefedin Shehu, kandidati i Partisë Demokratike për Bashkinë e Dibrës shprehet se e sheh veten në avantazh për fitore në zgjedhjet e pjesshme përballë kandidatit të mazhorancës.
“Me Muharrem Rama nuk kam njohje personale, kam informacione dhe opinione dhe personalisht nuk e shoh si person me mangësira.
Por për karrierën që kam dhe disponoj jam i avantazhuar, shpresoj që zoti Rama nuk do e marrë më forcë e dhunë fitoren”, u shpreh Shehu ne nje interviste per News24.
Shehu më tej bëri një panoramim të karrierës së tij si politikan dhe zyrtar.
“Pjesa që ka të bëjë me paratë kjo më sjell në avantazh. Unë do i garantoj qytetarët që ato para që janë në dispozicion të Bashkisë do përdoren në eficensë maksimale.Unë kam qenë menaxher i buxhetit të shtetit dhe menaxhimi i buxhetit të një Bashkie do të jetë dhe më i lehtë.
Në fokus do jenë shërbimet administrative, por prioritet do kenë shërbimet për qytetarët. Këtu kam garantimin e pastrimit të qytetit dhe garantimin e furnizimit me ujë të pijshëm, probleme që vrasin përditë dibranët. Për këto fondet janë të dhëna nga buxheti i shtetit dhe pjesërisht me tarifat lokale që aplikohen për shërbimet punlike”.
Shehu ben me dije se mandatimin e tij për të fituar këtë post e sheh si përgjegjesi jo vetëm ndaj dibranëve, por dhe dnaj partisë.
“Ggjithçka në Dibër do të fillojë aty ku e ka lënë PD, në vitin 2013. PD jepte subvencione për fermerin. Mandatin e lënë përgjysëm, e shoh si përgjegjësi politike. Nuk hezitoj ta le karrierën e deputetit sepse unë kam një karrierë të gjatë dhe nuk e quaj sakrificë lënien e mandatit, por e quaj detyrim ndaj dibranëve dhe mundësi për të shpërblyer besimin që më kanë dhënë qytetarët e Dibrës dhe partia”./a.m.
