Në një debat janë përfshirë kreu i LZHK-së, Dashamir Shehi dhe gazetari Arion Sulo në studion e emisionit “3D” ku u diskutua lidhur me situatën në të cilën ndodhet opozita dhe si mund të vijë në pushtet.
Sulo tha se opozita mund të fitojë vetëm duke e bashkuar, por nga ana tjetër Shehi tha se ajo që ata duhet të bëjnë fillimisht është të kundërshtojnë ligjin zgjedhor. Sipas tij, ish-kryeministrit Sali Berisha i intereson ligji aktual.
Debati:
Sulo: Kjo qasje në politikë e zotit Shehi kam frikë se ka çuar deri dje drejt fasadës. Edhe bashkimi që thotë për koalicion post zgjedhor është një ide e provuar dhe shumë e mirë, por bashkimi opozitës tani po bëhet në diversitet. S’kishte asgjë të keqe që ky bashkim në diversitet të vazhdonte sepse kemi problemin e madh, demokracinë. Përballë një qeverie që ka shkelur çdo të drejtë, jemi te fasada. Duhet krijuar një bashkim i madh, një front për të treguar fuqinë. Për t’i treguar opinionit publik që kjo qeveri ka përballë të gjithë ata që bëjnë opozitë. Kush e ka çuar opozitën në përçarje?
Shehi: Kush e ka çuar? Se mos e kam çuar unë? Si i bëhet?
Sulo: Unë di një fakt, McGonigal ka lobuar kundër Bashës, ai që ka çuar opozitën në përçarje është Edi Rama
Shehi: Po pse u përçaka opozita thjesht nga Edi Rama?! Edi Rama e ka për detyrë për ta përçarë opozitën. Edi Rama është nga krahu tjetër. Unë nuk pres të na sjellë Edi Rama në fitore, Edi Ramën e quajmë kundërshtar. Ne po diskutojmë formulën si ta rrezojmë Edi Ramën. Nëse Rama na rrëzonka, mjaftoka sërish Berisha dhe Basha, vazhdojmë sërish me këtë punë. Unë e gjykoj që është e gabuar.
Sulo: Nuk thash këtë, por ata 200 mijë demokratë që ndenjën në shtëpi…
Shehi: Ndoshta vijnë pas meje 200 mijë demokratë dhe ja ku u bëmë aq sa duhet. Po këta e kanë hallin hajde futu te oborri im
Sulo: Fatkeqësisht partitë e reja kanë mbetur parti të vogla ose janë shkatërruar, pse? Nga fragmentarizmi.
Shehi: Po, ke bërë një ligj pikërisht për ta shkatërruar
Sulo: Shkojmë sërish te aktet e Ramës
Shehi: Nuk e ka bërë Rama vetëm atë, e ka bërë bashkë me Berishën. Ky ligj që e ka ndarë Shqipërinë në 12 provinca, sikur me qenë Kina, e ka bërë Rama bashkë me Berishën. Madje e ka bërë Berisha më shumë se ishte në maxhorancë. E kanë bërë të vertikalizuar pushtetin e dy personave
Sulo: Bashkimi, dalja me një listë me një front…
Shehi: Do ta shikojmë edhe atë punë, por këta nuk duan të bëjnë luftë për ligjin sepse kjo i leverdis. Nuk kam dëgjuar një nga Rithemelimi të thotë që ky është një ligj i keq
/a.r
