“Pavarësisht se Kryeministri Edi Rama shkon dhe ulet në tavolinën e negociatave, ai në të vërtetë po tallet, sepse nuk kërkon zgjidhjen e krizës”.
Ky është mendimi i kreut të LZHK-së Dashamir Shehi, i cili shprehet se Rama po tallet dhe bën sikur do të negociojë, por në realitet duket që nuk e ka seriozisht, duke parë dhe ofertën e tij.
Sheshi tha se duke u përplasur me një “mur” si ai i Edi Ramës, edhe pjesa e moderuar e opozitës me shumë gjasa do të radikalizohet.
“Rama në njëfarë mënyre është tallur, ku bën sikur don të negociojë por në fakt ai s’do të negociojë. Ajo që ofron atje është një sharlatanizëm”, tha Shehi në studion e emisionit Opinion.
