“Shumë herë e kam menduar dorëheqjen prej sulmeve që kam marrë por tani nuk mendoj fundin, por të bëj reforma”. Kështu është shprehur Drejtoresha e Tatimeve Brisida Shehaj në një intervistë, ditën e djeshme, dhënë në emisionin “Dritare” të gazetares Rudina Xhunga.
Sipas Brisida Shehajt, fakti se ajo është bërë objekt sulmi para disa kohësh vjen për shkak të mendësisë maskiliste të shoqërisë shqiptare.
Drejtuesja e tatimeve në vend ka shtuar se tashmë e ka kaluar periudhën e vështirë të saj dhe nuk mendon më për largimin, në të kundërt, shton ajo, në fokus ka dhënine e rezultateve tek institucioni që drejton.
Duke folur për punë që ajo ka bërë në krye të Tatimeve, Shehaj tha se ka realizuar 99.2% të planit, ndërsa paralajmëroi rezultate edhe në hetimin e shkeljeve tek biznesi i madh.
