Shehaj shkoi për të verifikuar firmat/ Reagojnë degët e PD: Show mediatik! Ai as nuk e njeh bazën e partisë

Deputeti i PD-së ditën e sotme shkoi në zyrën e Edi Palokës për të verifikuar firmat e delegatëve.

I menjëhershëm ka qenë edhe reagimi i degëve 5 dhe 7 të PD-së në Tiranë, ku ka deklaruar se e gjithë kjo është një shoë mediatik.

DEKLARATË E PERBASHKËT E DEGËVE 5 DHE 7 TË PARTISË DEMOKRATIKE TIRANË

Shoë mediatik i Agron Shehajt me demokratët konfirmoi se interesi i tij i vetëm është protagonizmi personal. Agron Shehaj dështoi të verifikojë firmat e demokratëve, sepse ai as nuk e njeh bazën e partisë, as nuk e respekton atë. Si drejtues politik i degëve 5 dhe 7 në Tiranë, Agron Shehaj nuk ka bërë asnjë takim me demokratët që prej ditës që u zgjodh deputet.

PD në degën 5 dhe 7 në Tiranë e kudo ka vendosmërinë për të mos lënë demokratët në baltë dhe të mos lejojë nëpërkëmbjen e dinjitetit të tyre. Ne jemi në krah të demokratëve dhe interesit të Shqipërisë, me misionin e vetëm për rrëzimon e regjimit të Edi Ramës dhe rikthimin e PD në pushtet.