Kur kanë mbetur edhe 13 ditë nga momenti kur shqiptarët do të votojnë për të zgjedhurit e tyre vendor, britanikja Dame Audrey Glover e cila drejton misionin e monitorimit të ODIHR në një intervistë për Top-Channel flet për anët pozitive dhe negative të këtyre zgjedhjeve.
Ajo lëshon kritika për vendimet e KQZ-s. Ambasadorja Glover ndalet edhe në problemit e vjetër të zgjedhjeve shqiptare atë të shit-blerjes të votës. Sipas saj deri më tani ODIHR-it i kanë ardhur pretenidime por jo prova konkrete për këtë fenomen. Glover i jep përgjigje edhe pyetjeve që kanë të bëjnë me kritikat e ish kryeministrit Berisha se me ardhjen e saj, ajo ka ngjallur sëpaku mosbesim të madh në objektivitetin e monitorimit të zgjedhjeve tek populli opozitar.
ODIHR publikoi të premten raportin e ndërmjetëm për zgjedhjet e 21 Qershorit. Sipas jush cili është aspekti më shqetësues i identifikuar në këtë raport?
“Mendoj që deri në një pikë, jemi të shqetësuar për KQZ-në sepse me raste mendojmë që vendimet e marra prej këtij institucioni janë të njëanshme dhe sipas linjave partiake. Gjithashtu ka disa paqartësi, në lidhje me vendimet e marra. Mendoj që në lidhje me KZAZ-të duket se ato po funksionojnë mirë, por gjatë vizitave tona të shpeshta kemi vënë re që atyre u mungojnë pajisjet e nevojshme dhe burimet për t’i blerë ato. Për më tepër, ka ndryshime në anëtarësinë e KZAZ-ve duke u bërë më e vështirë për ta. ” – ka thënë Glover, intervista me te cilen do te transmetohet ne edicionin qendror te lajmeve ne Top Channek mbremjen e sotme.
