Një miliarder kinez ka marrë 6,500 punëtorët e tij në një pushim 4 ditor në Francë, që shënon edhe rekordin e parë në botë të një grupi kaq të madh të njerëzve që shkojnë njëherësh me pushime në Cote D’Azur.
Pronari i Tiens Group Company, Li Jinyuan, rezervoi 140 hotele në Paris për stafin e tij të punëtorëve, ku grupi i punëtorëve vizituan më pas Louvre-në dhe disa vende të ndryshme kulturore në një nga qytetet më të famshme dhe më të nderuara në botë.
Grupi i madh i turistëve më pas e bënë rrugën e tyre drejt Code D’Azur, ku Li Jinyuan rezervoi 4,760 dhoma në 79 hotele me 5 yje në Cannes dhe Monako.
Duheshin 147 autobusë për t’i dërguar turistët nga hotelet e tyre në Promenade des Anglais në Nice, ku zyrtarët e Rekordit Botëror të Ginesit ishin aty për të vërtetuar fluksin më të madh ndonjëherë në botë të turistëve në një qytet.
6,500 punëtorët ishin dërguar aty për të festuar 20 vjetorin e bashkëpunimit në mes të kompanisë kineze dhe regjionit të Francës.
Franca fiton rreth 33 milionë euro nga ky udhëtim i personelit me të gjitha shpenzimet e paguara nga pronari i tyre. Li Jinyuan me këtë vepër ka filluar të quhet edhe ‘shefi’ më i mirë në botë.
