Drejtori i Përgjithshëm i Organizatës Botërore të Shëndetësisë, e shikon fundin e pandemisë shumë të largët. Këtë fakt e bëri të ditur gjatë një konference për shtyp.
Zyrtari i lartë theksoi se konfuzioni dhe vetëkënaqësia në trajtimin e koronavirusit do të thotë se pandemia nuk ka mbaruar. Sidoqoftë, ai mund të vihet nën kontroll brenda muajsh, me kusht që të zbatohen masat e provuara të shëndetit publik.
“Ne gjithashtu duam të shohim shoqëritë dhe ekonomitë të rihapen dhe rinisin udhëtimet dhe tregtinë. Por tani, Njësitë e Kujdesit Intensiv në shumë vende janë të tejmbushura dhe njerëzit po vdesin, dhe kjo është plotësisht e pashmangshme”.
Reduktimi i rasteve dhe vdekjeve në dy muajt e parë të vitit tregon, sipas zyrtarit, që koronavirusi dhe mutacionet mund të ndalen. Transmetimi i Covid-19, tha ai, ishte për shkak të “konfuzionit, vetëkënaqësisë dhe mospërputhjes në masat e shëndetit publik”.
Kreu i OBSH-së madje tha se disa vende, përkundër rritjes së transmetimit të koronavirusit, restorantet dhe klubet e natës janë plot, ndërsa tregjet janë të hapura
dhe ka mbipopullim, ndërsa ai komentoi se disa besojnë se për shkak se ata janë relativisht të rinj nuk do të ketë problem nëse sëmuren.
India e ka kaluar Brazilin për t’u bërë vendi i dytë në botë për sa i përket infeksioneve pas Shteteve të Bashkuara.
Udhëheqësi i ekipit të Covid-19, Maria van Kerkove tha se pandemia kishte një rritje prej 9% të rasteve javën e kaluar – javën e shtatë radhazi me një rritje – dhe një rënie prej 5% të vdekjeve./ b.h
