Që prej lënies së postit të kryeministrit, si pasojë e humbjes së thellë në zgjedhjet e qershorit të vitit 2013, Sali Berisha vijon të jetë tepër aktiv duke ngritur akuza ndaj qeverisë dhe eksponentëve të majtë përmes publikimeve të herëpashershme në llogarinë e tij në “Facebook”.
Kanë qenë të shumta rastet ku përmes postimeve të cilat Berishës ia sjell i ashtuquajturi “qytetar digjital” të jetë bërë disinformim ndaj opinionit publik.
Një gjë e tillë ka ndodhur edhe me një post të publikuar së fundmi, ku Berisha ka dalë sërish blof.
Në një foto të publikuar Berisha denoncon se personi i futur në rreth i cili sipas tij është shef i komisariatit të Shkodrës shoqërohet me kriminelë.
Mirëpo e vërtetë është komplet ndryshe.
Personi i futur në rreth është shtetasi Xhevahir Isufi, ai nuk është më në radhët e policisë së shtetit si pasojë e emigrimit në SHBA prej mëse një viti. Po ashtu Isufi në Polici nuk ka mbajtur asnjëherë postin e shefit të komisariatit, por atë të punonjësit të Patrullës në Shkodër./Lexo.al
