Një gabim i bërë në dozim nga studiuesit në provën e vaksinave të Universitetit AstraZeneca-Oxford çoi në një rritje të efektivitetit të saj ndaj koronavirusit.
Nënkryetari i kompanisë, Mene Pangalos, njëkohësisht edhe kreu i kërkimit tha se vullnetarët raportonin efekte anësore shumë më të lehta nga sa ishin parashikuar, të tilla si lodhje, dhimbje koke dhe dhimbje krahu, ndryshe nga sa ishin parashikuar fillimisht.
“Zbuluam se vullnetarët duhet të merrnin vetëm gjysmën e dozës dhe tjetrën pas një kohë të caktuar. Rezultatet treguan se vaksina ishte 90 për qind efektive midis grupit që kishte marrë një dozë dhe jepte 62% efikasitet e ndarë në dy të tilla,”– tha Pangalos.
Ai tha se ekipi sidoqoftë vendosi të vazhdonte përpara me atë grup gjysmë dozë dhe të administronte dozën e dytë, të dozës së plotë, në kohën e caktuar.
Pangalos tha se ishte e nevojshme më shumë analiza për të shpjeguar pse një dozë fillestare më e ulët rrit mbrojtjen.
Vaksina përdor një adenovirus të padëmshëm për të dhënë material gjenetik që mashtron trupin e njeriut për të prodhuar proteina të njohura si antigjene që gjenden normalisht në sipërfaqen e koronavirusit, duke ndihmuar sistemin imunitar të zhvillojë një arsenal luftarak kundër infeksionit. Mesa duket në dy doza ajo krijon imunitet të përgjithshëm në sistemin imunitar duke u bërë më pak efektive. Por e përqëndruar në një dozë mund të japë efekte anësore.
Universiteti i Oksfordit konfirmoi se vaksina e tyre ishte e lirë, e lehtë për tu ruajtur dhe e thjeshtë për tu dorëzuar dhe kjo mund të aprovohet nga rregullatorët brenda dy javësh dhe të fillojë të përdoret muajin tjetër.
