Shtëpia e kryetarit të Agjencisë Kundër Korrupsion(AKK), Hasan Preteni, në fshatin Bërnicë ka një linjë të veçantë të energjisë elektrike me shtylla të betonit, derisa fqinjët e tij kanë linja të përbashkëta dhe shtylla të drurit. Në këtë fshat nuk shihet as një shtëpi tjetër me rrjet të veçantë energjetik.
Ky privilegj nga një ndërmarrje publike për atë që e lufton korrupsionin duket i dyshimtë, pasi zyrtarë të ndërmarrjes publike KEK çdo herë ishin ‘akuzuar’ për tenderë dhjetëra milionë eurosh. Kjo linjë nga ana e Korporatës Energjetike të Kosovës (KEK)është bërë për Pretenin në kohën pasi ky i fundit u zgjodh kryetar i Kundër Korrupsionit, në vitin 2008.
Megjithatë, Preteni për KosovaPress thotë se linja e veçantë është bërë që moti. Ndërkohë edhe parcelën në këtë fshat, shefi i Kundër korrupsionit e ka blerë pasi që është zgjedhur në krye të AKK-së.
