Shtëpia e Bardhë njoftoi se pas tërheqjes së plotë të trupave ushtarake, në Siri do të mbesin vetëm 200 ushtarë që do të shërbejnë si forcë paqeruajtëse.
Presidenti Donald Trump është vënë në shënjestër të kritikëve pas vendimit për tërheqjen e 2000 trupave në dhjetor të vitit të kaluar.
Ai tha se militantët e Shtetit Islamik janë mposhtur, por kritikët thonë se grupi ekstremist nuk është zhdukur plotësisht.
BBC njoftoi se Forcat Demokratike Siriane, që mbështeten nga SHBA-të, janë duke u përpjekur që të evakuojnë civilët nga Baghuz, fshat në Sirinë lindore në kufi me Irakun.
Rreth 300 luftëtarë të ISIS janë menduar që janë fshehur brenda një xhepi të vogël në zonë ku kanë nisur sulmet.
Njoftimi i Presidentit Trump për një tërheqje të shpejtë në fund të dhjetorit kapi aleatët e SHBA dhe këshilltarët e tij ushtarakë dhe të mbrojtjes në befasi. Ajo nxiti shqetësime se Turqia mund të sulmonte forcat kurde, të cilët po punonin me SHBA për të luftuar ISIS në Siri.
Zyrtarët amerikanë thanë se forcat amerikane fillimisht iu dhanë 30 ditë për t’u larguar nga Siria, por Trump më vonë tha se tërheqja do të ngadalësohet.
Duke folur në një konferencë shtypi të enjten, zëdhënësja e Shtëpisë së Bardhë Sarah Sanders tha: “Një grup i vogël paqeruajtësish prej rreth 200 persona do të mbetet në Siri për një periudhë kohe”. (TemA TV)
