Shtetet e Bashkuara të Amerikës vendosën të shtyjnë qëndrimin e 8 400 trupave në Afganistan edhe për një vit, deklaroi presidenti amerikan, Barack Obama, çka tregon ngadalësimin e tërheqjes përfundimtare nga vendi aziatik.
”Situata e sigurisë në Afganistan mbetet delikate”, theksoi Obama.
Obama kishte planifikuar që ta reduktonte në 5 500, deri në fund të vitit, numrin e trupave, por komandantët ushtarakë i rekomanduan atij rritjen e këtij numri.
”Vendimi u dërgon talebanëve mesazhin se SHBA dhe komuniteti ndërkombëtar do të jenë përkrah qeverisë afgane”, deklaroi Obama. (java / r.a)
