Rritet presioni në SHBA përpara debatit të parë presidencial midis Donald Trump dhe Hillary Clinton ku pritet të tërheqë sot një audiencë rekord, ndërsa kampet e dy kandidatëve për Shtëpinë e Bardhë janë të vendosur në pole të kundërta.
Është mjaft e rëndësishme për t’u theksuar se gjashtë javë nga zgjedhjet e 8 nëntorit, sondazhet janë shumë të ngushta. Të dielën e kaluar të dy kandidatët ishin të pozicionuar, përfshirë marzhin e gabimit me 46 për qind të votave pro Clinton dhe 44 për qind për Donald Trump.
Të dy kandidatët, që shumica e amerikanëve nuk i duan, do të luajnë fort në këtë debat 90 minutësh, organizuar në universitetin Hofstra pranë Nju Jork-ut.
Fraza më e vogël, ç’ekuilibri më i vogël mund të kenë pasoja të rënda, në një fushatë të neveritshme dhe mjaft të polarizuar, ku sulmet shpeshherë kanë ndryshuar thelbin e fushatës.
Donald Trump, 70 vjeç, republikan atipik, show-men populist dhe impulsiv që paraqitet si një person që aspiron një post drejtues për të provuar superioritetin e një presidenti. Ai premtoi se do të jetë “miqësor” me kundërshtaren demokrate, që e ka cilësuar “Hillary e pamoralshmja”.
ma.me
