Një tjetër mesazh i fortë dhe zyrtar vjen nga SHBA për Lulzim Bashën. Pas apelit të ambasadës amerikane edhe zëvendësndihmës Sekretari i Shtetit, Hoyt Brian Yee, ka deklaruar sot në një intervistë për RTK-në se PD duhet të marrë pjesë në zgjedhjet e 18 qershorit. Hoyt Brian Yee shprehet kundër bojkotit dhe i bën apel opozitës qe te futet ne zgjedhje.
Sipas tij, SHBA-të inkurajojnë partitë që të mos bojkotojnë Kuvendin dhe të marrin pjesë në zgjedhje.
“Shqipëria do të duhej së paku, të mbajë zgjedhjet e saj me orar të rregullt në qershor, me 18 qershor besoj. Atje ne e nxisim opozitën dhe gjitha partitë që të marrin pjesë në zgjedhje në, jo që t’i bllokojnë zgjedhjet. Dhe, nëse ka probleme ne besojmë se opozita dhe Qeveria duhet të kenë dialog që të zgjidhin problemet në mënyrë që zgjedhjet të jenë të lira të drejta.
Kur të vijë koha – dhe për këtë ka datë sipas ligjit se kur duhet të mbahen zgjedhjet – ne shpresojmë se edhe në Kosovë zgjedhjet do të mbahen në mënyrë të lirë dhe të drejtë. Jo si shteg i ikjes dhe jo si mënyrë për t’i ikur përgjegjësisë”, tha Yee duke i dhënë një mesazh të fortë PD-së, e cila është e vendosur për bojkot parlamenti.
a.ç
