Trazira të dhunshme kanë përfshirë qytetin e Baltimores në SHBA, ku edhe është shpallur gjendja e jashtëzakonshme. Gjithçka ka nisur pas funeralit të mbajtur dje të një 25 vjeçari të zi, i cili ka vdekur nga lëndimet derisa ishte i burgosur nga policia.
Sipas CNN Protestuesit e dhunshëm kanë vjedhur dyqanet, iu kanë vënë zjarrin ndërtesave dhe kanë plagosur 15 policë.
Trazirat shpërthyen vetëm pak metra larg vendit ku mbahej funerali i Freddie Gray, dhe më pas ato u përhapen në tërë pjesën perëndimore të Baltimores.
Nga ana e tij Guvernatori i Merilendit, Larry Hogan ka vënë në gatishmëri Gardën Kombëtare ndërsa trupa shtesë janë dërguar në Baltimore.
Vdekja e 19 prillit ka rikthyer shqetësimet rreth trajtimit që policia iu bën afro-amerikanëve.
Redaksia Online
(JavaNews.al)
