Ambasada e SHBA-së në Tiranë ka reaguar pas dorëheqjes së Armando Prengës nga posti i tij si deputet.
Nëpërmjet një deklaratë për mediat, ambasada deklaron se personat me precedentë penalë nuk duhet të kenë vend në Parlament.
Po ashtu ambasada bën thirrje që të mos lejohen kriminelët të kandidojnë në 18 Qershor.
“Ambasada e SHBA mirëpret largimin e ish-deputetit Armando Prenga nga parlamenti. Personat me dosje penale nuk kanë vend në parlamentin, gjykatat, qeverinë, apo bashkitë e një vendi anëtar të NATO-s i cili gjithashtu synon t’i bashkohet BE-së. Inkurajojmë qytetarët shqiptarë dhe institucionet shqiptare të jenë vigjilentë për parandalimin e kriminelëve nga kandidimi në zgjedhjet e 18 qershorit. Shqiptarët meritojnë të kenë një sistem politik dhe gjyqësor të pastër, pa ndikimin e krimit të organizuar dhe korrupsionit.” thuhet në deklaratën e Ambasadës së Shteteve të Bashkuara në Tiranë.
/a.m.
