Ambasada e Shteteve të Bashkuara të Amerikës në një deklaratë për mediat ka shprehur mbështetjen e pakushtëzuar për popullin shqiptar në këto ditë të vështira.
“Shqipëria, aleat dhe mik i SHBA” e kanë quajtur partnerët tanë ndërkombëtarë, ndërsa theksojnë se do vazhdojë puna e përbashkët për nxjerrjen e personave nga rrënojat.
“Në këtë përkujtim solemn të Ditës së Pavarësisë së Shqipërisë, Ambasada e Shteteve të Bashkuara shpreh keqardhjen më të thellë për shkatërrimin dhe jetët e humbura nga tërmeti i 26 nëntorit. Shtetet e Bashkuara qëndrojnë me vendosmëri në krah të vendit tonë mik dhe aleat, Shqipërisë. Ne do të vijojmë të mbështesim përpjekjet e vazhdueshme të ndihmës humanitare dhe jemi të gatshëm të ndihmojmë në çdo hapësirë tjetër në nevojë”, thuhet në njoftimin e ambasadës.
g.kosovari
