Skena lufte në gjysmëfinalen e Nations League të Konfederatës së Amerikës Veriore dhe Qendrore, ndërmjet Shteteve të Bashkuara dhe Meksikës. Ndeshja përfundoi me rezultatin 3-0 në favor të përfaqësueses amerikane, por të dyja skuadrat e mbyllën lojën me 9 futbollistë.
Sfida rindezi rivalitetin ndërmjet dy vendeve, prej kaosit të krijuar në fushë. Ndërsa gjithçka dukej e qetë në pjesën e parë, ku Shtetet e Bashkuara kryesonin falë dy golave të Pulisiç, situata precipitoi në të 69-ën.
Ndërhyrja e ashpër e Cesar Montes ndaj Balogun, e ndëshkuar me karton të kuq bëri që situata të tensionohej dhe në fushë të shpërthente sherri.
Në situatën e krijuar nga loja u detyrua të largohej edhe McKennie, të cilit meksikanët i grisën fanellën.
I riu Ricardo Pepi vulosi fitoren 3-0 të amerikanëve, por në sekondat e fundit ndeshja u ndërpre pas një tjetër sherri, që kishte si protagonistë meksikanin Arteaga dhe Sergiño Dest, që u kthye te Barcelona pas huazimit zhgënjyes te Milani.
Edhe ata dy lojtarë u ndëshkuan me karton të kuq. Pas betejës në fushë, Shtetet e Bashkuara humbasin dy lojtarë mjaft të rëndësishëm si McKennie dhe Dest për finale përballë Kanadasë.
/a.r
