Selia e kanalit televiziv CNN në Nju-Jork, që ndodhet në godinën “Time Warner” në zemët të Manhatanit, u evkua pas informacioneve për një pako të dyshimtë, njoftoi sot ky televizion.
Policia konfirmoi se ka vajtur menjëherë në vend pas “informacioneve për një pako të dyshimtë”.
Këto informacione vijnë menjëherë pasi autoritetet federale amerikane njoftuan se kanë interceptuar pako të dyshimta me destinancion për Hillary Clinton dhe Barack Obama.
***
Dy sasi eksplozivi u tentuan t’i dërgohen ish presdentit amerikan Barack Obama dhe ish Sekretares së Shtetit, Hillary Clinton.
Bëhet fjalë për të njëjtën formë dërgese sikurse ndodhi të hënën në shtëpinë e miliarderit filantropist Geroge Soros.
Pajisja drejtuar zonjës Clinton në ëestchester County u gjet të martën nga një teknik i shërbimeve inteligjente i cili kontrollon postën për zyrën e saj, shkruan New York Times.
Ndërsa pako drejtuar zotit Obama u zbulua nga personeli i Shërbimit Sekret në Uashington DC të mërkurën.
“Shërbimi Sekret ka nisur një hetim gjithëpërfshirës që do të shfrytëzojë të gjitha burimet e disponueshme federale, shtetërore dhe lokale për të përcaktuar burimin e paketave dhe për të identifikuar ata që janë përgjegjës”, tha në deklaratë specialisti Mason Brayman.
Ditën e hënë, policia e New York arriti që të shkatërronte me sukses një pako brenda së cilit kishte lëndë plasëse, të gjetur në shtëpinë e Soros.
/b.d
