Sekretari amerikan i Shtetit, John Kerry, do të takohet sot në Vjenë me homologun e tij iranian, Mohammad Javad Zarif, për një mbledhje në kuadër të bisedimeve ndërkombëtare mbi Sirinë që prashikohet të bëhen në prani të Iranit, mbështetësi kryesor i Damaskut, njoftuan burime diplomatike amerikane.
“Sot në Vjenë, sekretari amerikan i Shtetit, John Kerry, do të takohet me ministrin iranian të Punëve të Jashtme, Mohammad Javad Zarif”, sipas të njëjtave burime.
Irani do të jetë për herë të parë i pranishëm në Vjenë të premten në një mbledhje ndërkombëtare mbi Sirinë, që u parapri nga një mbledhje mes krerëve rusë, amerikanë, turq dhe sauditë të diplomacisë.
ATSH
