Sidi Hasanaj, pjesë e demokratëve euro-atlantikë, foli në Studio Live edhe për shpalljet non grata nga SHBA, teksa sot u sanksionua një biznesmen në Bosnje i lidhur me Milorad Dodik.
Hasanaj e shikon shpalljen non grata në Ballkan të atyre personave që kanë afilacion rus, apo përfaqësojnë interesa pro-ruse. Në këtë rast përfshin edhe Berishën, i cili në mbledhjet e qeverisë së tij dikur merrte edhe biznesmenin serb Damir Fazllic. Ky i fundit sipas Hasanaj ka patur dikur lidhje me qeverinë e Sllobodan Milloshevic.
“Në Shqipëri një biznesmen serb i afërt me regjimin e Millosheviçit ka marrë pjesë në mbledhjen e qeverisë së Shqipërisë. Kjo tregon në dekriptimin tim edhe një afilacion me interesa serbe. Fazllic ka qenë i lidhur me politikanë të regjimit të Milloshevicit. Me një ministër të brendshëm. Marrim dhe në sektorë të ndryshëm. Në 10 kompani më të fuqishme mund të bëhet një hulumtim, në sektorët më determinantë. Ka kompani me aksionerë biznesmenë serbë. Që mund të kenë pasur lidhje dikur me pushtetin Rusi-Beograd-Moskë. Me aq sa kam hulumtuar, ka padiskutim lidhje të qenësishme me Beogradin dhe partneritet me Serbinë. Duke nisur nga Fazllic.”-tha Hasanaj.
