Emisari i Donald Trump për dialogun Kosovë-Serbi, Richard Grenell, ka reaguar ndaj lajmit që theksonte se Shtetet e Bashkuara të Amerikës ende janë të hapura për shkëmbim territoresh ndërmjet Kosovës dhe Serbisë.
Ambasadori Grenell përmes tëitterit e quajti “lajm të rremë” artikullin e portalit Euobserver, të publikuar të marten, i cili theksonte se plani për shkëmbim të territoreve në mes Kosovës dhe Serbisë ende konsiderohet nga ShBA-të .
Portali evropian citoi një deklaratë të Matthew Palmer, të dërguarit të posaçëm të SHBA-ve për Ballkanin Perëndimor, të dhënë të hënën e ku tha se “varet nga palët të vendosin parametrat e dialogut”, pasi u pyet për planin e shkëmbimit të territoreve.
Por, Richard Grenell ka kërkuar nga portali që për idenë është dashur të pyetej edhe ai para se të publikohej artikulli. Ka thënë se lajmi është i rremë dhe se ai nuk është i fokusuar në politikë, por në ekonomi.
“Lajm i rremë. Dhe, ju as që keni më keni kontaktuar për të më pyetur. Unë jam për atë që pajtohen palët – jam i fokusuar në zhvillim ekonomik, jo politikë”, ka shkruar Grenell në twitterin e tij.
