Numri i rasteve me Covid-19 në SHBA ka kaluar mbi 100,000.
Sipas Worldometers, numri i të infektuarve ka shkuar në 104,256.
Ndërkohë janë shënuar 8 viktima të tjera, duke e çuar në 1,704 numrin e vdekjeve.
Nisur nga situata e vështirë e krijuar nga Covid-19 presidenti Donald Trump i kërkoi kompanisë gjigande të automjeteve General Motors, të prodhojë aparatura për pacientët me koronavirus.
Ai deklaroi gjithashtu se për 100 ditë do të mbërrinin 100,000 maska në SHBA.
Si pasojë e përhapjes së coronavirusit, gjendja në New York të Shteteve të Bashkuara është rënduar në masë të madhe, duke rrezikuar që shërbimet shëndetësore të bien në kolaps.
Vetëm autoambulancat janë parë nëpër rrugët e boshatisura, që shkonin nga një shtëpi në tjetrën, për të vizituar njerëzit në nevojë.
Thirrjet në emergjencë janë rritur për 40 për qind, duke shënuar rekord historik, ndërsa nga pamundësia që t’ju përgjigjen të gjithave, qendra e thirrjeve ka bërë të ditur se gjatë tërë kohës, ishin rreth 170 telefonata që mbetnin në pritje.
Kjo ka bërë që mjekët të bëjnë apel, që të telefonohet emergjenca vetëm kur gjendja është shumë e rëndë, nëse ka probleme me zemër apo kur dikush nuk mund të merr frymë.
g.kosovari
