Një plan i detajuar për të goditur kërcënimin në rritje të Shtetit Islamik në Libi është prezantuar nga zyrtarë të lartë të Pentagonit në Shtëpinë e Bardhë. Lajmin e bën të ditur “New York Times”, që saktëson se në këtë plan janë të përfshirë edhe aleatët e Shteteve të Bashkuara si Italia, Franca dhe Mbretëria e Bashkuar. Zyrtarët e Departamentit të Mbrojtjes kanë parashtruar në tryezën e Dhomës Ovale një seri opsionesh, që nisin nga ai që parashikon një seri bombardimesh ajrore.
Objektivat e mundshëm të këtyre sulmeve, shkruan “NYT”, janë kampet e stërvitjes së militantëve, qëndrave të komandës, depozitat e municioneve dhe zona të tjera ku mblidhen anëtarët e Shtetit Islamik. Bëhet fjalë për 30 deri në 40 objektiva që ndodhen në katër zona të vendit afrikano-verior, sqaron më tej “NYT”.
