Komuniteti i inteligjencës amerikane sot zyrtarisht ka hequr nga lista e dokumenteve të kualifikuara, të njohura si “28 faqe”, e që përfshinë hetimin e parë të Kongresit Amerikan mbi sulmet terroriste të 11 shtatorit.
Këto dokumente më parë mendohej se dëshmonin se një rrjet brenda SHBA’së kishte ndihmuar dy rrëmbyesit e aeroplanëve, të cilët i përkisnin organizatës terroriste Al-Qaeda, transmeton Gazeta Express.
Sot administrata e presidentit Barack Obama ka deklasifikuar këto dokumente, të cilat ishin mbajtur fshehur për 13 vjet. Kongresi pritet që sonte t’i bëjë publike këto dokumente.
Dokumentet e njohura si “28 faqet” ishin mbajtur fshehur nga FBI’ja dhe agjencia amerikane e inteligjencës, për shkak të sigurisë kombëtare
Besohet se në këto dokumente përfshihen informacione që tregojnë se dy prej rrëmbyesve të aeroplanëve kishin jetuar në Kaliforni, disa muaj para se të organizonin sulmin terrorist dhe kishin marrë mbështetje operacionale nga disa individë që ishin besnik të Arabisë Saudite. Por zyrtarë të inteligjencës amerikane thonë se këto ishin informacionet e para.
Arabia Saudite ka mohuar se ka qenë i përfshirë në sulmet e 11 Shtatorit. 15 nga 19 rrëmbyesit në sulmet e 11 Shtatorit ishin shtetas të Arabisë Saudite.
ma.me
