SHBA, arrestohet nëna dyshohet se mbyti binjakët në tualet
Një grua në Shtetet e Bashkuara të Amerikës është arrestuar nga policia për vrasje, pasi dyshohet se ka hedhur dy fëmijët e saj, binjakë dy vjeçar, në tualet dhe ka tentuar sipas autoriteteteve lokale, të bëjë të njëjtën gjë edhe me fëmijën tjetër.
Mireya Lopez, vetëm 22 vjeç, është arrestuar nga policia dhe po qëndron në burg në Fenix, në pritje të gjyqit ku do të përballet me akuzën për vrasje të shkallës së parë të kryer me paramendim për 2 fëmijë dhe vrasje në tentative për një tjetër. Motivi i vrasjeve ende po hetohet nga autoritetet.
Pasi i ka mbytur fëmijët e saj në tualet, vetë nëna e dy binjakëve ka telefonuar policinë në numrin 911 duke i kërkuar ndihmë për një emergjencë në shtëpinë e saj por pa i specifikuar që dy djemtë e saj të vegjël nuk merrnin më frymë.
Oficerët e policisë shkuan menjëherë në vendngjarje ku gjeti të miturit në shtrat. Ata u përpoqën menjëherë që përmes frymëmarrjes artificial ti rikthejnë në jetë por kanë mbërritur tepër vonë.
Lopez është shprehur për hetuesit e ngjarjes, se ka tentuar të hedhë në tualet edhe fëmijën tjetër por është ndaluar nga familjarët e saj. tashmë do të jetë autopsia ajo që do të përcaktojë shkakun zyrtar të vdekjes së binjakëve dy vjecar.
