Arrestimi i deputetit Armando Prenga si dhe dorëzimi i mandatit të deputetit tjetër socialist Arben Ndoka ka sjellë edhe reagimin e ambasadës së Shteteve të Bashkuara në vendin tonë. Përmes një komunikate për mediat, ambasada e SHBA-së mirëpret vendimin e deputetit Ndoka si dhe lejimin e arrestimit të deputetit tjetër Prenga duke e cilësuar këtë si një përparim të mirëfilltë për Shqipërinë drejt krijimit të një sistemi politik me drejtues të standardeve më të larta etike.
Deklarata e Ambasadës së SHBA
Ambasada e Shteteve të Bashkuara mirëpret vendimin e deputetit Arben Ndoka për t’u dorëhequr nga parlamenti dhe vendimin për të lejuar arrestimin e deputetit Armando Prenga. Këto vendime përfaqësojnë përparim të mirëfilltë për Shqipërinë drejt krijimit të një sistemi politik me drejtues të standardeve më të larta etike.
