Shamku: Ku e shihni që marrëdhëniet Shqipëri-Mali i zi janë model?!

Deputetja socialiste Ledi Shamku tepër e ndjeshme në lidhje me çfarë ndodh në Malin e Zi dhe për më tepër për shqiptarët atje, ka reaguar në lidhje me gjobitjen e disa shqiptarëve që kishin stampuar në makinë flamurin kombëtar shqiptar. Me një status në profilin e saj në facebook, Shamku shprehet se nuk marrëdhënie model mes Shqipërisë dhe Malit të Zi.

“Marrëdhënie model mes Shqipërisë dhe Malit të Zi?! Pa m’kallxoni shtetarët e mi, ku e shihni modelin?

Te fakti që Shqiptarët e Shqipërisë dje u gjobitën nga Gjykata Malazeze me 230 euro për “fajin” se po ktheheshin nga Franca duke kremtuar me flamur shqiptar në makinë, dhe sipas gjykatësit penal malazez paskan “shqetësuar” turistët e Budvës?

Te fakti që nuk kemi më asnjë ministër shqiptar në qeverinë malazeze?

Ku e shihni modelin, o shtetarët e mi?”, shkruan në facebook deputetja socialiste Ledi Shamku.

ma.me