Shalqiri mbret, një specie e re shalqiri, ka arritur një rekord të papritur botëror. Në fakt, vetëm në një rrënjë të vetme, janë prodhuar 131 fruta njëherësh. Rezultati është i habitshëm, meqë zakonisht një rrënjë shalqi prodhon 1-4 kokrra.
Si është e mundur një gjë e tillë? Kujdes, nuk bëhet fjalë për OMGJ, por studimet e kryera nga ekspertët e bujqësisë, kanë mundur që të prodhojnë një rrënjë shalqiri mjaft produktive.
Eksperimenti i kultivimit të shalqirit mbret, është bërë në Kinë. Varieteti i zakonshëm i shalqirit prodhon vetëm pak fruta dhe jo të gjithë arrijnë piqen. Tani super bima ishte në gjendje që të piqte të gjitha kokrrat, shkruan shqip.
Shalqiri mbret, u mboll me 26 prill në një kamp rreth 100 metra katrorë në Xizheng të Kinës. Më 1 maj, u shfaqen gjethet e para mbi tokë dhe në fillim të qershorit bima nisi të lulëzojë dhe më 31 korrik, frutat ishin të gjitha gati për tu këputur.
Si nga numri i shalqirit, ashtu edhe dimensionet e tyre janë mbresëlënëse. Gjithashtu, cilësia e frutit është shumë e lartë. Pesha mesatare e një kokrre shalqi shkonte deri në 10 kg, 5 kg më e vogla dhe 19 më e madhja.
Ai është rezistent ndaj sëmundjeve dhe është në gjendje që të mbijetojë në zona të thata. Nuk e dimë nëse shalqiri mbret do të vijë në treg, por dimë se eksperimenti i parë është menaxhuar shumë mirë dhe ky fryt mund të kultivohet edhe në zonat më të thata të botës.
