Këngëtarja e njohur, Shakira, e cila është e martuar me mbrojtësin spanjoll, Gerard Pique, i ka kushtuar një status yllit shqiptar të kombëtares së Zvicrës, Xherdan Shaqiri, i cili shënoi një euro-gol në ndeshjen kundër Polonisë.
Shakira, përmes rrjetit social Twitter, ka komentuar me humor golin e Shaqirit pasi mbiemri i tij i është dukur krejt i ngjashëm me emrin e saj artistik.
“Hera e parë në histori që një çift [Shakira dhe Pique] shënon në një Kampionat Evropian – Piqué and Shaquiri!!!”, ka shkruar ajo në Twitter, raporton Koha.net.
Kujtojmë se edhe trajneri i njohur anglez, Stuart Pearce, e kishte ngatërruar Xherdan Shaqirin me këngëtaren Shakira, kur lojtari kaloi në Stoke City. (b.an)
