Partia për Veprim Demokratik është rikthyer në pushtetin lokal në Bujanoc, raporton “zeri.info”.
Kandidati i kësaj partie, Shaip Kamberi, ka marrë më së shumti vota në këtë komunë, duke e lënë pas kryetarin aktual të Bujanocit, Nagip Arifin.Ndryshe, Shaip Kamberi ka qenë edhe deputet në Kuvendin e Serbisë në katër vitet e kaluara.
Koalicioni PVD-UDSH sipas rezultateve preliminare është fituese e zgjedhjeve lokale në komunën e Bujanocit dhe se kjo parti me ndonjë nga partitë më të vogla serbe pritet të udhëheq këtë komunë gjatë katër viteve të ardhshme.
Sipas rezultateve gati nga numërimi i 100 për qind të votave, PVD-UDSH ka fituar 5840 vota, Partia Demokratike e Nagip Arifit, që deri tani ka udhëhequr me pushtetin lokal ka fituar 4570 vota, ndërsa në vendin e tretë radhitet Lëvizja për Progres Demokratik e Jonuz Musliut me 2072 vota, transmeton INA.
Kurse Presheve, do të vazhdon të mbetet në duart e PDSH-së, e partia e re Alternativa për Ndryshim ka dalë e dyta.
