Artan Shabani, i cili prej dy vitesh është në krye të Galerisë Kombëtare të Arteve, ngre shqetësimin se ajo rrezikohet nga insektet.
Në një intervistë për Gazetën Shqiptare, Shabani shprehet se prej tashmë 4 vitesh, Galeria Kombëtare e Arteve nuk është dezinsektuar.
Sipas tij, mosdezinsektimi lejon rritjen e larvave e insekteve, të cilat dëmtojnë pjesët e drunjta të veprave, duke çuar deri tek dëmet e pakthyeshme.
Shembulli që jep ai është i thjeshtë: për shkak të larvave tashmë ka nisur dëmtimi i 152 vizatimeve të restauruara që pamë vjet tek ekspozita “100 vjet vizatimi shqiptar”.
“Duhet të kemi parasysh që një pjesë e veprave janë në dru, ikonat janë në dru, kornizat janë prej druri. Në mungesë të një godine të re, gjithsesi është patjetër i nevojshëm dezinfektimi i Galerisë Kombëtare të Arteve. Ky institucion ka nevojë urgjente për dezinfektim, në mënyrë që të mbrohen veprat e artit nga insektet. Situata nuk është e mirë. Ka katër vite dhe unë kam dy vite që kërkoj mundësinë e dezinfektimit. Nuk mendoj se po përkoj një projekt të BE, por kërkoj të dezinfektohet fondi i kombit shqiptar dhe të evitojmë dëmet. Cila është shuma që nevojitet për dezinfektimin? Mund të fillojë edhe me 45 mijë euro. Mendoj se maksimumi mund të kërkojë 7 mijë euro për të bërë një punë serioze.” është shprehur Artan Shabani për Gazetën Shqiptare
