Ministria e Jashtme serbe ditën e djeshme ka kërkuar dje të kontaktojë me ambasadorin shqiptar në Beograd, Ilir Boçka, për t’i shprehur protestën për goditjen me gur të autobusit të Kombëtares serbe.
Por, sipas serbëve, Boçka nuk ka pranuar t’iu hapë telefonin.
Serbët kanë kërcënuar se do të marrin masa për këtë rast, por pa specifikuar se çfarë.
“Në një mënyrë që shkon në kundërshtim me rregullat diplomatike, ambasadori shqiptar, Ilir Boçka, duke ndjekur udhëzimet nga Tirana, nuk pranoi të dëgjojë një telefonatë nga Ministria e Jashtme për të marrë një notë proteste nga
Republika e Serbisë në lidhje me një incident të rëndë dhe një sulm ndaj kombëtares serbe të futbollit, duke theksuar se nuk ka ndodhur asgjë.
Për shkak të veprimit të papërshtatshëm të ambasadorit shqiptar, Ministria e Jashtme do të marrë masat e
përshtatshme në përputhje me praktikën diplomatike,” shkruan B92
