Artan Hoxha ka reaguar pas lajmit se Fredi Beleri është kandiduar nga partia Demokracia e Re në Greqi, për të qenë eurodeputet.
“Duke e ditur se cili ishte qëllimi i Greqisë që kur e promovoi, nuk më çudit. Autoritetet greke e dinë më mirë se ato shqiptare, se çfarë ka bërë Fredi Beleri. Ka qenë i dënuar dhe burgosur në Greqi. Ka qëndruar në Greqi për t’ju shmangur një dënimi në Shqipëri.
Kemi përjashtuar të zgjedhur vendorë, deputetë, etj, sepse Greqia i ka kapur për shkelje të kufirit. Nëse ne u kemi ndërprerë karrierën, me ligjin e dekriminalizimit dhe ne e zbatojmë, kurse një vend i BE, i cili ka financuar edhe reformën e drejtësisë, jo vetëm nuk e merr parasysh por promovon figura të tilla.
Kanë vendosur një kandidat si Beleri, sepse edhe në zgjedhjet që ndodhën përpara, rezultoi që një emër si Beleri u solli vota nga ekstremi i djathtë, si Agimi i Artë, apo parti të tjera me traditë ultra nacionaliste. Emri i Belerit është aty për të sjellë votat e ekstremit të djathtë. Kjo histori i ka sjellë vota Mitsotakisit dhe na ka marrë një të dënuar…
E njëjta gjë me Pirro Dhimën, që doli në TV dhe tha kam lindur në kryeqytet të Vorio Epirit, pra për Himarën. Kur kandidoi për herë të parë ka qenë për PASOK dhe Venizelos e vuri në krye të listës, si sportisti me më shumë trofe në Greqi. Ka fituar mandatin e parë, ka humbur të dytin. Por këtë rradhë kandidon për llogari të ekstremit tjetër. Këtë e kanë zgjedhur sepse merr vota të qendrës. Që të shpallet eurodeputet Beleri, duhet të kapë rreth 200 mijë vota. Beleri reagoi nga burgu dhe falenderoi për kandidimin.
Shqipëria është vend që ka aplikuar për të qenë anëtar dhe ka filluar të plotësojë dhe nënshkruajë kapitujt. Është një sfidë e hapur që i bëhet Shqipërisë”, tha Hoxha./m.j
