Anëtarë të partisë Sfida për Shqipërinë janë veshur me përparëse të bardha për të respektuar punën e mjekëve shqiptarë. Gjatë deklaratës për mediat, Gjergj Bojaxhi, kandidat për Tiranën i Sfida për Shqipërinë, tha se mjekët, konsideruar rrethanat në Shqipëri, kanë bërë gjihçka kanë mundur.
“Mjekët shqiptarë janë munduar të përmbushin misionin në kushte shumë ndryshe nga kolegët e tyre në vende të tjera. Rrogat e ulëta, kushtet e pamjaftueshme dhe presioni nga politika gjithë këto vite, e kanë bërë punën e tyre të vështirë. Ata meritojnë respektin maksimal. Nëse shëndetësia jonë ka probleme përgjegjësia është vetëm e politikës,” u shpreh kandidati i Sfida për Shqipërinë. Bojaxhi foli pranë mjediseve të spitalit Nënë Tereza në Tiranë, ku tha se çdo ditë qindra mjekë e infermierë vendosin të vijnë në punë, pavarësisht vështirësive.
“Ata kanë meritën që, me përparëset e tyre të bardha, si këto që ne kemi veshur ne sot, vendosin të vijnë këtu për ne, por edhe për familjet e tyre, sepse ata janë qytetarë si ne dhe durojnë të njëjtat probleme të këtij vendi,” tha Gjergj Bojaxhi.
Bojaxhi tha se shëndetësia shqiptare, përfshi mjekët dhe qytetarët, të cilët kanë nevojë për shërbimet mjekësore, varen nga vlerat që do të këtë politika.
“Sfida për Shqipërinë beson se vetëm një politikë e pastër dhe e përgjegjshme do të çojë drejt një Shqipërie që punon dhe të shëndetshme. Bashkë mund të bëjmë më shumë. Bashkë mundet!” tha Gjergj Bojaxhi i Sfida për Shqipërinë.
Sfida për Shqipërinë renditet në fletën e votimit me numrin katër, me kryetar administrativ Hektor Ruci.
ma.me
