Liverpooli e ka shënuar fitoren më epike e të pabesueshme ndër vite, pasi ka mposhtur në udhëtim me tri rikthime ekpin e Norwich Cityt. Rezultati i sfidës ishte 5-4 në fund.
Ndeshja filloi me një ndryshim rrënjësor nga Klopp, i cili la në stol Llallanan për Iben.
Me të filluar takimi Milner e gjen Firminon i cili shënoi për 1-0 (18′).
10 minuta më vonë (29′) ishte Mbokani që pasi u gjend mirë në zonë shënoi një supergol me finte për 1-1.
Pak para fundit të pjesës së parë ishte Naismith ai që nga afërsia pas një topi të Hoolahan shënoi për 2-1 dhe tronditjen e Liverpoolit.
Me të filluar pjesa e dytë Norwich fiton një penalti prej ku Hoolahan realizoi sigurt (54′) për 3-1.
Me të marrë topin nga qendra në minutin tjetër (55′) ishte Firmino ai që e gjeti të lirë Hendersonin i cili nga brenda zonës shënoi për 3-2.
Klopp arriti t’i motivojë djemt e tij dhe pak minuta më vonë (63′) një depërtim nga krahu të mirë nga Llallana e konkretizoi Firmino që realizoi për 3-3. Ky ishte goli i shpresës dhe i dyti në takim për Firminon.
Liverpooli nuk u ndal e pasi Norwich u hodh në sulm, një top e gjeti të lirë Milnerin para portierit vendas, me çka ai kaloi në epërsi ekipin e tij për 3-4 duke kompletuar një rikthim sensacional.
Megjithatë, kur të gjithë menduan se ndeshja përfundoi, kështu nuk mendoi Bassong, i cili në minutën e tretë të shtesës shënoi për 4-4 dhe atë që u mendua të jetë gëzimi i madh i një pike për vendasit.
E kur të gjithë menduan se Liverpooli doli i humbur nga ky takim, në skenë u shfaq Adam Lllana me një gol në minutën e fundit të shtesës për 5-4 dhe fitoren më sensacionale ndër vite për The Reds.
Me këtë fitore sensacionale Liverpooli ka 34 pikë në vendin e shtatë, 10 pikë më pak se lideri Arsenal që e pret Chelsean të dielën.
