Këngëtari grek Notis Sfakianakis ka falënderuar të gjithë pjesëmarrësit që morën pjesë në koncertin që u mbajt në pallatin e kongreseve në Tiranë.
Përmes një postimi në facbook Notis shprehet se koncerti i mbrëmshëm ishte përgjigja më e mirë për këdo që ishte kundra ardhjes së tij në Tiranë.
“Kjo ishte përgjigja më e mirë që iu dha të gjithëve, i gjithë “Pallati i Kongreseve” ishte mbushur plot dhe këndonin të gjithë këngët, të gjitha biletat ishin prenotuar.
Unë do të doja t’ju falënderoja të gjithëve, edhe pse nën presion, ishit në koncert dhe kënduat me mua. Ky ishte një vlerësim.
Dhe do të doja të bëja një sugjerim. Njerëzit nuk dëgjojnë këdo që flet nëpër media…
Faleminderit shumë!
Shpresoj që herët tjetër të jetë akoma më mirë, të argëtohemi dhe t’ia kalojmë shumë më bukur.
Faleminderit nga zemra”, ka shkruar Notis në facebook.
Ardhja e tij në Tiranë shkaktoi reagime të shumtë në mbarë opinionin publik pasi këngëtari grek u komentua shumë për një deklaratë që thuhet se ai i ka quajtur Shqipërinë e specifikisht shqiptarët racë inferiore.
