Sezoni turistik është shumë afër dhe kjo ka vënë në lëvizje qeverinë dhe pushtetin vendor për marrjen e masave për një nisje pozitive.
Kryeministri Edi Rama, në një takim me kryetarët e bashkive dhe prefektët, i ka porositur ata që të marrin masa për një sezon të pastër, të sigurtë, ku të gjithë të vihen në shërbim të pushuesve, shkruan javanews.
“Duhet të kemi një sezon me më shumë cilësi, të pastër, të sigurtë dhe të vihemi në shërbim të plotë të pushuesve. Zhvillimi i turizmit është një sfidë për Shqipërinë. Është e domosdoshme një motivim më i madh i bashkive. Infrastruktura rrugorë në plazhe ka nëvojë për përmirësim dhe do të bëjmë më shumë”, deklaroi Rama
Rama paralajmëroi edhe kufizimin në mënyrë drastike të motorëve të ujit, ku si pasoje e tyre disa pushues humbën jetën sezonin e kaluar.
“Do të kufizohet në mënyre drastike mjetet e ujit, janë kërcënim serioz për turistët”, tha kryeministri
Masa të forta do të merren edhe për zhurmat.
“Zhurmat vend e pavend janë tension, stres dhe pakënaqësi për pushuesit. Ndaj do marrim rregulla të forta, për të përcaktuar zonat dhe oraret”, deklaroi Kryeministri
Javanews.al/a.ç
