Fundjava që lamë pas rezulton sërish e ngarkuar në portin e Durrësit përsa i përket fluksit të hyrjeve daljeve në këtë pikë kufitare
Sipas të dhënave nga Autoriteti Portual Durrës, nga 8 deri në 10 gusht në port kanë mbërritur 20,037 udhëtarë dhe 6349 automjete.
Ndërkohë po gjatë kësaj periudhe nga ky port dolën 13441 udhëtarë dhe 4086 automjete. Në funksion të këtij fluksi punuan 19 sportele, ndërsa tragetet operuan me lundrime dyfishe.
Porti i Durrësit mbetet një pikë kyçe për udhëtimet detare të qytetarëve dhe turistëve, duke ofruar lehtësi në udhëtim dhe përmirësim të vazhdueshëm të shërbimeve portuale.
