Sektori i transportit ndërkombëtar të pasagjerëve përmes ajrit dhe detit njohu një rritje të fortë dyshifrore për gushtin, muaj ky që lidhet me kulmin e sezonit turistik.
Instituti statistikave nuk jep sesi është raporti mes hyrje daljeve të pasagjerëve, por në gusht 2017 numri i pasagjerëve që kanë fluturuar përmes aeroportit të Rinasit është rritur me 26,8% krahasuar me gushtin në 2016, kurse numri i pasagjerëve që kanë përdorur transportin detar 18,7 %. Si 8-mujor rritja vjetore është 24,6% për transportin ajror të pasagjerëve dhe 19,3 % atë detar.
Numri i fluturimeve të kryera nga aeroporti i vetëm në Shqipëri në gusht 2017, është 2 mijë e 640, duke shënuar një rritje me 12,7 %, ndaj gusht 2016. Në 8-mujor janë kryer me shume se 15.800 fluturime, duke u rritur me 11,1 %, krahasuar me 8 mujorin e 2016.
Mbi 421 mijë persona kanë zgjedhur të udhëtojnë në gusht me anijë, kurse avion e kanë zgjedhur 328 mijë e 300 persona. Por si 8-mujor transporti ajror zë peshën më të madhe në udhëtimet e pasagjerëve me gati 60 përqind të totalit, me më shumë se 1.741.707 pasagjerë.
ma.me
