Ministri i Brendshëm Fatmir Xhafaj dhe ai i Turizmit dhe Mjedisit Blendi Klosi analizuan sot treguesit e sezonit turistik dhe masat që do merren për mbarëvajtjen e sezonit të ardhshëm.
Takimi është mbajtur në ambjentet e Ministrisë së Brendshme, me prezencën e Prefektëve dhe drejtuesve vendore e të lartë të Policisë së Shtetit, pa media.
Në fjalën e tij ministri i Brendshëm mësohet se ka theksuar se turizmi do jetë prioritet thelbësor për mandatin e ri qeverisës.
Ai ka kërkuar që përgatitjet për sezonin e ri turistik 2018 të nisin që në muajin tetor të këtij viti.
Ministri Xhafaj u kërkoi drejtuesve të policisë të kenë një reagim më të fortë për vepra penale që lidhen me krime në mjedis.
a.ç
