Me ardhjen e sezonit të ri televiziv, edhe moderatoret më të njohura të ekranit shqiptar përgatiten për të sjellë formate të reja.
Kështu, Arbana Osmani, e cila rikthehet në ekran pas lindjes së djalit Jon, pas shtatë vitesh, nuk do të moderojë më spektaklin “Big Brother”. Flitet se Arbana po përgatitet për një format të ri, detajet e të cilit ende nuk janë zbuluar.
Një tjetër moderatore që do të sjellë një format të ri, do të jetë edhe Xhemi Shehu e cila thuhet se do të jetë prezantuese e një spektakli kërcimi i titulluar “Dance Moms”. Ky “reality shoë” i njohur në televizionet amerikane do të ketë protagonistë nënat dhe vajzat e tyre, në sfidë me njëra-tjetrën.
Por ndryshimet brenda “Top Channel” nuk kanë mbaruar këtu. Luana Vjollca nuk do të jetë më “vajza e motit” duke lënë të kuptohet se po përgatitet për diçka të re paralelisht me karrierën në muzikë, së cilës i ka hyrë seriozisht.
Ndërsa Amarda Toska, në sezonin e parë do të vazhdojë të moderojë “Dancing Ëith the Stars” në “Vizion Plus”, por do të ndryshojë ekran në janar. Ajo do të moderojë spektaklin “Lufta e nuseve”, format që vitin e kaluar u drejtua nga Mand Peza. Ndërkohë që flitet se do të shohim në të njëjtat programe Alketa Vejsiun me “Dance ëith me”, Marina Vjollcën me “Procesi Sportiv”, Floriana Garon me “Jo vetëm modë”, Jonida Shehun me “Pasdite në Top Channel”.
Këtë sezon edhe ish-moderatorja e “Vizionit të pasdites”, Anila Çela, do të rikthehet në të njëjtin program, pas lindjes së fëmijës së dytë. Ndërsa Rudina Magjistari do të mungojë këtë sezon me emisionin e saj në “Tv Klan” për t’u rikthyer në janar, pas sjelljes në jetë të fëmijës së saj të parë.
