Vincenzo Montella, trajneri i Sevillia-s, është shkarkuar nga drejtuesit e skuadrës spanjollle pas humbjes 2-1 në transfertën kundër Levantes. Italiani pëson kështu shkarkimin e dytë brenda sezonit, pasi më herët edhe Milani ‘lau duart’ me ish-futbollistin e dalluar të Roma-s.
43-vjeçari e mori drejtimin e Sevillia-s në muajin dhjetor, duke koleksionuar një sërë rezultatesh negative, mes të cilave veçohen edhe disa humbje me rezultate shumë të thella. Ndër të paktat gjëra pozitive të eksperiencës andaluziane të Montellës, janë eliminimi i Manchester United nga çerekfinalet e Champions Leagues dhe i Atletico Madrid nga gjysmëfinalet e Kupës së Mbretit.
Aktualisht Sevilla garon për një vend në Europa League, por humbja e mbrëmshme përballë Levantes së Armando Sadikut, ka komplikuar seriozisht këtë objektiv të klubit spanjoll. (Balkanweb)
