Presidenti Ilir Meta ka vijuar sulmet ndaj Reformës në Drejtësi. Në ndryshim nga ndërkombëtarët, të cilët e kanë vlerësuar maksimalisht sipas së cilëve po jep frytet e saj, për kreun e shtetit kjo Reformë është ndryshe.
Por Meta tha se nëse reforma në drejtësi do të ishte e suksesshme, askush nga Qeveria apo Kuvendi “s’do kishin guxuar të bënin këto afera”.
Ai ndalet në ligjin që zgjat afatin e koncesionit të aeroportit ‘Nënë Tereza’ me 13 vjet, të cilin e cilëson si një aferë e pastër korruptive, e që sipas tij, kjo nuk do të ndodhte nëse kjo Reformë do të funksiononte vërtetë.
“Nuk ka asnjë diskutim që nëse do kishim pasur vërtetë një Reformë në Drejtësi të suksesshme, kurrë nuk do të kishin guxuar, ministrat, qeveria , por edhe vetë Kuvendi të bënte këto gjëra, dhe që ju ftoj t’i lexoni, ashtu si kurse nuk do kishin bërë edhe afera të tjera, megjithatë të jeni të sigurt pas 25 prillit do të ndiqet me rigorozitet të plotë. Çdo dëm që i është bërë interesit publik, interesit të qytetarëve, çdo shkelje, çdo falsifikim që është bërë prandaj ftova edhe forcat politike që garojnë në zgjedhje ta lexojnë me vëmendje“, tha Meta.
g.kosovari
