Deputeti i PS-së Ervin Bushati e ka cilësuar komision hetimor për serverin e tatimeve si një komedi të PD-së, në kushtet ku sipas tij vetë opozita po i shmanget punimeve të këtij komisioni.
“Opozita kërkoi komision hetimor, nuk erdhi. Opozita e bojkotoi punimet. Komisionet hetimore po degjenerojnë në komedi opozitare. Opozita nuk u shfaq në komisionin hetimor për serverat e tatimeve. Opozita nuk po mbyll komisionin që është mbledhur për herë të tretë. Komedia opozitare vijon ndonëse prokuroria e ka mbyllur hetimin, dëshmitarët kanë folur dhe kjo tregon se, PD po i shmanget axhendës parlamentare. Kërkon ti shmanget axhendës për reformën në drejtësi” tha Bushati.
Menjëherë pas deputetit socialist ka folur kryetari i këtij komisioni, deputeti demokrat, Arben Ristani, i cili tha se deklaratat e Bushatit janë një shtesë e budallallëkut të kësaj shumice.
Bushati shtoi budallallëkun e shumicës pozitës. Nuk kemi kërkuar ne afatet, ato i vendos parlamenti. Puna hetimore e komisionit është e vështirë. Vëllai i ministrit dëshmitar s’paraqitet në komision, dëshmitarët e tjerë që kanë kopjuar të dhënat nuk janë paraqitur. Nuk gjenden adresat e tyre. Puna e komisioneve hetimore po pengohet nga kjo maxhorancë qesharake. Nuk duan që të dalë e vërteta” tha Ristani. Javanews/ a.k
