Një tjetër grabitje ka ndodhur në aeroportin e Rinasit. Dista ditë pas grabitjes së një shume prej 1 milion eurosh në pistën e aeroportit, këtë herë bëhet fjalë për grabitjen e një qytetareje. Një 77-vjeçare ka denoncuat në polici grabitjen e bizuterive nga bagazhet e saj, që për më tepër i ka marrë në dorëzim me një ditë vonesë.
“Më datë 06.07.2016, u referuan materialet në Prokurorinë e Rrethit Gjyqësor Tiranë, pasi shtetasja Z.T, vjeç 77, banuese në Tiranë, ka kallëzuar se më datë 03.07.2016, kur ka tërhequr bagazhet që i kanë ardhur me një ditë vonesë, ka konstatuar mungesën e bizhuterive. Punohet për sqarimin e rrethanave të ngjarjes, identifikimin dhe kapjen e autorit. Neni 134/1 i Kodit Penal”, citohet në njoftimin e policisë./Javanews/a.m.
